Steve Jobs

Dr Steven „Steve“ Paul Jobs (* 24. Februar 1955 z San Francisco, Kalifornie; † 5. Oktober 2011 z Palo Alto, Kalifornie)^[1][2] isch e amerikanische Undernähmer gsi. Er isch e Mitgründer und während Joore dr CEO vo Apple gsi und eine vo de bekanntiste Persönlikeite vo dr Kompiuterindustrii. Zämme mit em Steve Wozniak und em Ron Wayne het er 1976 Apple gründet und het ghulfe, s Konzept vom Häimkompiuter mit em Apple II z popularisiere. Dr Jobs isch au dr Gschäftsfüehrer und Hauptaktionär vo de Pixar Animation Studios und noch ere Fusion dr grösst Äinzelaktionär vo dr Walt Disney Company gsi. Sis Vermööge isch im Merz 2011 vom Wirtschaftsmagazin Forbes Magazine uf 8,3 Milliarden US-Dollar gschetzt worde.^[3]

1. ↑ Mitteilung von Apples Aufsichtsrat über den Tod des Firmengründers Steve Jobs
2. ↑ Kondolenzseite auf apple.com
3. ↑ forbes.com